الاتحاد الكاثوليكي العالمي للصحافة- لبنان اوسيب – لبنان
كان يشتغل بالسّفن من وقت ما كان شابّ. صاروا يضحكوا عليه إنّو كلّ الإختصاصيّين و اللّي بيعرفوا بالتّكنولوجيا ما قدروا يزبطوها، هالختيار رح يقدر! حمل الختيار العدّة تبعو وصار يفحص الموتور بدقّة، شوي جاب المطرقة و دقّ عا مطرح من الموتور.ما في ثواني دارت السّفينة! تعجّب الكلّ وفلّ الختيار. و تاني يوم بعتلن الفاتورة: عشر آلاف دولار! قالوا كلّن لشو هلقد؟ ما عمل شي! و طلبوا منّو فاتورة مفصّلة و إِجا الجواب: الطرق على المحرّك: 2$،معرفة أَين تطرق: 9998$.
مش ضروري تعمل كتير إِشيا تا تترك أَثر، فيك تعمل شغلة زغيرة بتكفي إِنّك تأثِّر بِيلّلي حولك. ضحكة زغيرة منّك بتحفر صورة حلوة عنّك بذاكرة النّاس متل ما إِنّو كلمة بشعة وحدة بتكفي إِنّو تكسر الصورة الحلوة بثواني! الإشيا الزّغيرة اللّي منعملا كلّ يوم، هيّي اللّي بتحدّد نحنا مين كرمال هيك متل ما قال هالختيار المهمّ إنو نعرف وين ندقّ …
زينيت
